Plantun de Prouvènço

Pèr coumpara dos planto d'encò nostre

Allium ursinum & Knautia dipsacifolia

Allium ursinum

Amaryllidaceae Alliaceae

Noms en français : Ail des ours, Ail des bois.

Descripcioun :
L'aiet-bastard trachis dins li faio e li blachiero umido. S'apren à-n-acò que se vèi quàsi pas en Prouvènço, en deforo di relarg mountagnous. Se recounèis à si làrgi fueio pourtado pèr un pecou, e à si flour blanco coume lou la e un pau grando (fin qu'à 1,5 cm).

Usanço :
"- Se vesias, nous disié lou Jóuse, soun pas marrit aquélis aiet. Tenès, tastas.
- Verai ! soun bon. Hòu ! pourrias faire l'aiòli". ("En Mountagno", op.cit p. 72)
Èi l'aiet fèr lou mai manja en Éuropo e acò desempièi lou neoulitique. Poudès acampa li fueio, li flour, li boutoun, li jóuini fru e li veno. S'adoubon de proun de biais, en ensalado, cue... A peréu li mémi prouprieta que l'aiet cultiva (vèire çai-souto), èi peréu riche en vitamine C e fai meigri.

Port : Erbo
Taio : 15 à 40 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Allium
Famiho : Amaryllidaceae
Famiho classico : Alliaceae

Ordre : Asparagales

Coulour de la flour : Blanco
Petalo : 6
Ø (o loungour) flour : 1 à 1,5 cm
Flourido : Printèms

Sòu : Ca (Si)
Autour basso e auto : 0 à 1600 m
Aparado : Noun
Abriéu à mai

Liò : Faio - Blachiero - Ribiero
Estànci : Coulinen à Mountagnard
Couroulougi : Éurasiatico
Ref. sc. : Allium ursinum L., 1753

Camiho(-di-fueio-de-cardoun-bastard)

Knautia dipsacifolia

Caprifoliaceae Dipsacaceae

Nom en français : Knautie à feuilles de cardère.

Descripcioun :
Aquesto camiho es uno planto renadivo que trachis en mountagno. Es uno grando erbo pelouso que se recounèis à si fueio entiero que douno d'èr à li dóu cardoun bastard, Dipsacus fullonum. Coumparas peréu emé lis àutri Knautia e li Scabiosa.

Usanço :
A bessai li mémis usanço que lis àutri camiho.

Port : Grando erbo
Taio : 50 à 150 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Knautia
Famiho : Caprifoliaceae
Famiho classico : Dipsacaceae

Ordre : Dipsacales

Coulour de la flour : Vióuleto
Petalo : 4
Ø (o loungour) enflourejado : 2 à 3 cm
Flourido : Printèms - Estiéu

Sòu : Ca
Autour basso e auto : 400 à 2200 m
Aparado : Noun
Mai à avoust

Liò : Prado umido - Prado à rousèu - Bos fres
Estànci : Mountagnard à Subaupen
Couroulougi : Ouroufito-Sud-Éuropo
Ref. sc. : Knautia dipsacifolia (Host) Kreutzer, 1840

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Allium ursinum & Knautia dipsacifolia

ges

Coumpara Aiet-bastard emé uno autro planto

Coumpara Camiho(-di-fueio-de-cardoun-bastard) emé uno autro planto